‘ராஜா ராணி’ முதல் ‘ஜவான்’ வரை வெற்றியின் நெடுங்கதை எழுதும் அட்லீ, இயக்குநர் ஷங்கரின் உதவியாளராக துவங்கி, இன்று ஷாருக்கானை இயக்கும் அளவிற்கு உயர்ந்துள்ளார். தனது தனிச்சிறப்பான இயக்க பாணியில் தமிழ்-இந்தி திரையுலகத்தையும் கட்டிப்பிடித்துள்ளார்.
அட்லீ – குறும்படம்
சிவகார்த்திகேயனுடன் ‘முகப்புத்தகம்’ குறும்படம் இயக்கிய அட்லீ, அதன் வெற்றியால் திரைப்பட வாய்ப்பு தேடத் தொடங்கினார். அதே நேரத்தில் ஷங்கருக்கு ‘நண்பன்’ படத்தில் உதவி தேவைப்பட்டதால் மீண்டும் அவர் குழுவில் இணைந்தார். இந்தப் படத்தின் போதே விஜய்யை சந்தித்தார், பின்னர் தனது இயக்கப் பயணத்தை மீண்டும் ஆரம்பித்தார்.
அட்லீ – வெற்றி பயணம்
அட்லீ எழுதிய கதை அடிப்படையாக, 2013ல் ‘ராஜா ராணி’ திரைப்படமாக உருவானது. முதலில் சிவகார்த்திகேயன், ஜெய் இருவருடன் திட்டமிட்டும், மகேந்திரன் ஆலோசனையால் ஆர்யா, ஜெய் ஆகியோரைத் தேர்ந்தெடுத்து ஏ.ஆர். முருகதாஸ் தயாரிப்பில் படம் எடுத்தார். இப்படம், காதல் மற்றும் உணர்வுகளால் இளைஞர்களை கவர்ந்து அட்லீக்கு பெரிய வெற்றியைத் தந்தது.
ராஜா ராணி’ வெற்றிக்குப் பிறகு, அட்லீ இயக்கிய இரண்டாவது படம் தான் விஜய்யுடன் இணைந்து எடுத்த ‘தெறி’ (2016). எமோஷனல் ஆக்ஷன் த்ரில்லராக உருவான இப்படம், ஏப்ரல் 14, 2016ல் வெளிவந்து விமர்சகர்கள் மற்றும் ரசிகர்களிடம் பெரும் வரவேற்பை பெற்று மெகா ஹிட்டானது.
2017ல் விஜய்யுடன் மீண்டும் இணைந்த அட்லீ, ‘மெர்சல்’ என்ற ஆக்ஷன் த்ரில்லரை இயக்கினார். தீபாவளி தினமான அக்டோபர் 18ம் தேதி உலகமெங்கும் வெளியான இந்த படம் ரசிகர்களிடையே பெரும் வரவேற்பை பெற்றது. சுமார் ₹260 கோடி வசூலித்த இது, அந்த நேரத்தில் விஜய்யின் கேரியரில் மிக அதிகம் வசூலித்த திரைப்படமாகும்.
அட்லீ-விஜய் கூட்டணியில் உருவான மூன்றாவது படம் ‘பிகில்’, 2019 தீபாவளிக்கு வெளியான மெகா பிளாக்பஸ்டர். பெண்கள் கால்பந்து பின்னணியில் உருவான இப்படம் கலவையான விமர்சனங்களை பெற்றாலும், விஜய்யின் நடிப்பு மற்றும் சமூக செய்தியால் மக்களிடம் வரவேற்பு பெற்றது. ₹285–300 கோடி வசூலித்த இது, 2019-ல் வெளியான திரைப்படங்களில் அதிகம் வசூலித்த தமிழ்ப் படமாகவும் அமைந்தது.
‘ராஜா ராணி’ முதல் ‘பிகில்’ வரை வெற்றி படங்களை கொடுத்தாலும், அட்லீ மீது கதையை காப்பி செய்ததாக நெட்டிசர்கள் விமர்சனம் செய்தனர். அவரது படங்களில் சினிமா ரீமேக் அல்லது பாதிக்கப்பட்ட காட்சிகள் இருப்பதாக குற்றச்சாட்டுகள் எழுந்தன. இவை குறித்து கவலைப்படாமல், தனது பாணியில் முனைவுடன் பயணத்தை தொடர்ந்து இருக்கிறார் அட்லீ.
