இந்த வருடம் வெளியான படங்களில் ரசிகர்களின் மனதை கவர்ந்த சில துணை நட்சத்திரங்கள் இருக்கிறார்கள். அவ்வாறு மக்கள் மனதில் இடம் பிடித்த நான்கு ஃபேவரட் துணை நட்சத்திரங்களை இந்த பதிவில் பார்க்கலாம்.
4 துணை நட்சத்திரங்கள்
டிராகன்’ படத்தில் ஜார்ஜ் மரியன் ஒரு உணர்ச்சிமிகு அப்பா கதாபாத்திரமாக மின்னினார். கிளைமாக்ஸில் அவர் சொன்ன, “பயப்படாதே மகனே… எழுந்து ஓடு, நான் இருக்கேன்” என்ற வசனம் ரசிகர்களை உருக வைத்தது. இந்த கதாபாத்திரம், உணர்வுகளை நேர்த்தியாக வெளிப்படுத்தும் அவரது திறமையை மேலும் வலுப்படுத்தியது.
மாமன் படத்தில் ராஜ்கிரண், “தாத்தா” என அழைக்கப்படும் கிராம பெரியவராக சிங்காரையர் என்ற பாத்திரத்தில் நடித்துள்ளார். மரபையும் மரியாதையையும் பிரதிநிதிக்கின்ற குடும்பத் தலைவர் என அவர் காணப்படுகிறார். வயதானாலும், அவரது மனைவி பவுனுவுடன் உள்ள பாசமான உறவையும் படதில் அழகாக காட்டியிருக்கிறார்.
3 BHK படத்தில் சரத்குமார் வசுதேவன் எனும் குடும்பத்திற்காக வாழும் அன்பான தந்தையாக நடிக்கிறார். மனைவி, பிள்ளைகள் சுகமாக வாழ ஒரு வீடு வாங்க வேண்டும் என்பதே அவரின் கனவு. இந்த கனவுக்காக அவர் செய்யும் தியாகங்களும், சந்திக்கும் பொருளாதார சவால்களும் ரசிகர்களின் நெஞ்சை தொடுகின்ற தருணமாக இருந்தது.
டூரிஸ்ட் ஃபேமிலி யில் ரமேஷ் திலக் விரிவான குடும்ப உறுப்பினராக நடித்து, நகைச்சுவைத் துணையாக செயல்படுகிறார். அவர் சிறிய தருணங்களையும் கலகலப்பாக்கும் திறமையாளர். இந்தக் கதைக்கு அவர் அளித்த இலகுவும், இதமான அணுகுமுறையும் படம் முழுக்க தங்கி இருந்தது.
இந்த நான்கு நடிகர்களும், முக்கிய கதாபாத்திரங்களைத் தாண்டி, தங்கள் தனித்துவமான நடிப்பால் ரசிகர்களின் மனதில் அழியாத இடம் பெற்றுள்ளனர்.
சிறிய வேடங்களாகத் தோன்றி, பெரிய தாக்கத்தை ஏற்படுத்திய இவர்கள், 2025 தமிழ் சினிமாவின் உண்மையான துணை நட்சத்திரங்கள்.
