Star Tamil Chat
Vijayakanth : தமிழ் சினிமா வரலாற்றில் 90-களில் தனி மன்னனாக ரசிகர்களின் மனதை கவர்ந்த நடிகர் விஜயகாந்த். “கேப்டன்” என்று ரசிகர்களால் அன்புடன் அழைக்கப்படுவதற்குக் காரணமானது அவரின் 100வது படம் கேப்டன் பிரபாகரன். 1991-ல் வெளிவந்த இந்த படம், தமிழ் சினிமாவில் மட்டுமல்லாமல் இந்திய சினிமாவிலும் புதிய சாதனை படைத்தது.
அப்போவே பாக்ஸ் ஆபிஸை கலக்கிய விஜயகாந்த்..
அந்த காலகட்டத்தில் விஜயகாந்த் நடித்த பெரும்பாலான ஆக்ஷன் படங்களும் ஹிட் கொடுத்தவை. ஆனால் கேப்டன் பிரபாகரன் படத்தின் தாக்கம் தனியே ஒரு வரலாறு. R.K. Selvamani இயக்கிய இந்த படம், அசுர வேகத்தில் பாக்ஸ் ஆபிஸில் கலக்கியது. ரசிகர்கள் தியேட்டர்களில் படம் பார்த்து கொண்டாடும் காட்சி, 90-களின் மாபெரும் வெற்றிப் பதிவுகளில் ஒன்றாகும்.
இந்த படத்தின் வெற்றியே விஜயகாந்தை “மாஸ் ஹீரோ”வாக ரசிகர்களிடம் நிலைநிறுத்தியது. சினிமாவில் 100வது படமாக வந்தாலும், அது அவருடைய வாழ்க்கை திருப்புமுனையாக மாறியது. அந்தப் படத்திற்குப் பிறகு விஜயகாந்த் “கேப்டன்” என அழைக்கப்பட்டார். அந்த பெயர் அவருடைய சின்னமாக மாறியது.
திரையில் ஸ்டைலிஷ் ஆக்ஷன், அதிரடி ஸ்டண்ட், சக்திவாய்ந்த வசனங்கள் – இவை அனைத்தும் ரசிகர்களை பீறிட்டு எழுப்பியது. பாக்ஸ் ஆபிஸ் கணக்குகளின்படி, அந்த காலத்தில் இந்த படம் ரெக்கார்ட் க்ராஸ் கலைக்ஷன் அடித்தது.
அரசியலுக்கு வித்திட்ட கேப்டன் பிரபாகரன்..
விஜயகாந்தின் கேப்டன் பிரபாகரன் படம், வெறும் சினிமா வெற்றியாக இல்லாமல், அவரது வாழ்க்கையை மாற்றிய தருணமாகும். இந்த படத்திற்குப் பிறகு அவர் நடித்த பெரும்பாலான படங்களும் பாக்ஸ் ஆபிஸில் நல்ல வசூல் பெற்றன. மேலும், விஜயகாந்த் அந்த வெற்றியால் சினிமாவைத் தாண்டி அரசியலிலும் பிரபலமாக உயர்ந்தார்.
90-களின் அந்த “மாஸ் ஹீரோ” காலத்தை நினைவுகூரும் போது, கேப்டன் பிரபாகரன் படம் ரசிகர்களுக்கு இன்னும் நெகிழ்ச்சி தரும். தமிழ் சினிமாவின் அந்த பொற்காலத்தை குறிக்கும் படமாகவே இது பாராட்டப்படுகிறது.
என்றைக்கும் கேப்டனாக விஜயகாந்த்..
இந்த படம்தான் விஜயகாந்தின் அரசியலுக்கு விதை போட்டது. இவர் பேசாமலேயே மக்களுக்கு இவர் ஆட்சிக்கு வந்தால் நல்லது நடக்கும் என்ற நம்பிக்கையை கொடுத்தது. இவர் அரசியலுக்கு வந்ததுமே இவரை மக்கள் மற்றும் திரையுலகத்தை சேர்ந்தவர்கள் அன்போடு கேப்டன் என்றே அழைத்தார்கள். இன்று வரை கேப்டன் என்ற பட்டம் விஜயகாந்த் என்ற பட்டம் இவரை தவிர வேறு யாருக்கும் பொருந்தவில்லை.
