Star Tamil Chat
Vijay : தமிழக அரசியலில் நடிகர் விஜயின் நுழைவு தற்போது மிகப்பெரிய பேசுபொருளாக உள்ளது. சமீபத்தில் விஜய் தனது அரசியல் கட்சியை அறிவித்ததும், அவரது ரசிகர்கள் மற்றும் ஆதரவாளர்கள் பெரும் உற்சாகத்தில் உள்ளனர். இதேசமயம், அமமுக பொதுச்செயலாளர் டிடிவி தினகரன் விஜயின் அரசியல் பயணத்தைப் பற்றிய தனது கூற்றால் அரசியல் வட்டாரத்தை மேலும் சூடுபடுத்தியுள்ளார்.
தினகரன் கூறியதாவது:
“2006-ல் விஜயகாந்த் தனித்து போட்டியிட்டு, தமிழக அரசியலில் மிகப்பெரிய தாக்கத்தை ஏற்படுத்தினார். அதே போல், 2026 தேர்தலில் விஜய் தனித்து களமிறங்கினால், அவர் அதே அளவு அல்லது அதைவிட பெரிய தாக்கத்தை உருவாக்குவார். விஜயின் ரசிகர் வட்டம் மற்றும் அவரது அரசியல் நிலைப்பாடுகள் தமிழகத்தில் புதிய மாற்றத்தை உருவாக்கும் சக்தி கொண்டவை,” என்றார்.
2006-ல் தாக்கத்தை ஏற்படுத்திய விஜயகாந்த்..
2006-ல் நடிகர் விஜயகாந்த் தனது அரசியல் கட்சி தேமுதிகயை தொடங்கி, தனித்து போட்டியிட்டு அசாத்திய வெற்றியை பெற்றார். அந்த தேர்தலில் தேமுதிக 29 இடங்களில் வெற்றி பெற்று, அடுத்தடுத்த ஆண்டுகளில் முக்கிய எதிர்க்கட்சியாக வளர்ந்தது. இந்த வரலாற்றை நினைவுபடுத்தி, தினகரன் தற்போது விஜய் குறித்து கூறியிருப்பது, அவரை ஒரு “Game Changer” என அரசியல் வட்டாரத்தில் வரவேற்கும் விதமாகும்.
ஏற்கனவே மக்கள் மனதில் இடம்பிடித்த விஜய்..
விஜய் தனது ரசிகர் வட்டம், சமூக சேவை பணிகள், மற்றும் நேர்மையான அரசியல் குரல் மூலம் மக்கள் மனதில் ஏற்கனவே இடம்பிடித்துவிட்டார். சமீபத்தில் மதுரையில் நடந்த அவரது இரண்டாவது பெரிய மாநாடு, பெரும் திரளான ரசிகர்களை ஈர்த்தது. இதனால், 2026 தேர்தல் தமிழக அரசியலில் மிகப்பெரிய திருப்பமாக மாறும் என அரசியல் ஆய்வாளர்கள் கருதுகின்றனர்.
பயத்தில் அரசியல்வாதிகள்..
அதேபோல், தினகரனின் இந்த கூற்றும், விஜயின் தனித்துப் போட்டியிடும் திட்டங்களும், தமிழக அரசியலில் பாரம்பரிய கட்சிகளுக்குப் பெரும் சவாலாக அமையக்கூடும். ஏற்கனவே விஜய் அரசியலை பார்த்து பல அரசியல்வாதிகள் பயத்தில்தான் உள்ளனர். தன் நல்ல யோசனையில் விஜய் இந்த வெற்றியை சுலபமாக அடைந்துவிட முடியும் என அரசியல் வட்டரானால் கருத்து தெரிவிக்கின்றன. விஜய் ரசிகர்கள், “2026 தேர்தல் விஜய்யின் வருடமாக இருக்கும்” என பெரும் உற்சாகத்துடன் எதிர்பார்க்கின்றனர்.
