குட் பேட் அக்லி திரைப்படத்தில் இசைஞானி பாடல்கள் பயன்படுத்த இடைக்காலத் தடை விதிக்கப்பட்டிருப்பது பெரும் அதிர்ச்சியை ஏற்படுத்தியுள்ளது.
என்ன நடந்தது?
குட் பேட் அக்லி திரைப்படத்துக்கான இசை அமைப்பில், சில இசைஞானி evergreen பாடல்கள் ரீமிக்ஸ் அல்லது பின்னணி இசையாக பயன்படுத்தியிருந்தனர். இதற்கு எதிர்ப்பு தெரிவித்து, உரிமை தொடர்பான பிரச்சினை எழுந்தது.
எந்தெந்த பாடல்கள்? இசைஞானியின் புகழ்பெற்ற பாடல்களான – இளமை இதோ, ஒத்த ரூபாய் தாரேன், என் குருவி மஞ்ச குருவி.. இதன் அடிப்படையில், நீதிமன்றத்தில் வழக்கு தொடரப்பட்டு, இறுதியாக இசைஞானி பாடல்களைப் பயன்படுத்த இடைக்கால தடை உத்தரவு பிறந்துள்ளது.
ரசிகர்கள் எதிர்வினை
இந்தச் செய்தி வெளியாகியதும், சமூக வலைதளங்களில் ரசிகர்கள் இருவிதமான கருத்துக்களை பகிர்ந்துள்ளனர். சிலர்,
“இசைஞானி பாடல்கள் தனி மெருகு.. அவற்றை வணிக ரீதியில் தவறாக பயன்படுத்தக் கூடாது” என கருத்து தெரிவிக்கிறார்கள். மற்றொரு பக்கம், “அந்த பாடல்கள் தான் படத்தின் வெற்றிக்கு முக்கிய காரணமாக இருந்திருக்கும், இப்போது படம் பாதிக்கப்படும்” என கூறுகின்றனர்.
Ilaiyaraaja’s Legacy – பாதுகாப்பு vs பயன்பாடு
இசைஞானி பாடல்கள் தமிழ் சினிமாவில் சுமார் 50 ஆண்டுகளாக ஒலித்துக்கொண்டே இருக்கின்றன. ஒவ்வொரு பாடலுக்கும் தனித்துவமான உணர்ச்சி இருப்பதால், அவற்றை மறுபயன்படுத்தும் போது உரிமைகள், சட்ட ரீதியான அனுமதிகள் அவசியமாகின்றன. இந்தக் கேஸின் மூலம், படத்துறையில் Copyright Awareness அதிகரிக்கப் போவதாக நிபுணர்கள் கூறுகிறார்கள்.
படக்குழுவின் சவால்
இதனால் OTT மற்றும் TV வெளியீட்டுக்கு முன்பு, படக்குழு சட்ட ரீதியான முடிவுகள் எடுக்க வேண்டிய கட்டாயத்தில் உள்ளது. பாடல்களை நீக்கவோ, மாற்று BGM அமைக்கவோ நேரிடும் வாய்ப்பு அதிகம்.
“குட் பேட் அக்லி” படத்திற்கான இந்தச் சர்ச்சை, தமிழ் சினிமாவில் copyright awareness குறித்த பெரிய விவாதத்தை கிளப்பியுள்ளது. அடுத்த கட்ட hearing வரை, படக்குழு மற்றும் ரசிகர்கள் சற்று பதட்டத்தில் காத்திருக்க வேண்டிய சூழல் உருவாகியுள்ளது. இந்த ஒரு தடை ரிலீசுக்கு உடனே வந்திருந்தால் கூட பிரயோஜனம் உண்டு, படம் ஓடி பல கோடிகளை வசூல் செய்த பின் வந்து ஒரு பிரயோஜனமும் இல்ல என்கிறது கோலிவுட் வட்டாரம்
