Star Tamil Chat
Vijay : தமிழக அரசியலில் புதிய முகமாக உருவெடுத்திருக்கும் விஜய் தற்போது இந்திய அளவிலான கவனத்தை ஈர்த்துள்ளார். ‘Time of India’ வெளியிட்டுள்ள சமீபத்திய அறிக்கையில், இந்தியாவில் அதிக மக்கள் கூட்டத்தை திரட்டிய தலைவர் என்ற பெருமையை விஜய் பெற்றுள்ளார்.
சாதனை படைத்த விஜய்..
அந்த அறிக்கையின் படி, சமீபத்தில் தமிழக வெற்றி கழகம் (TVK) நடத்திய மாநாட்டில் 14.78 லட்சம் பேர் கலந்து கொண்டுள்ளனர். இது இந்திய அரசியலில் இதுவரை நடத்தப்பட்ட அனைத்து கட்சி மாநாட்டையும் முந்திய சாதனை.
ஒப்பீட்டாக, BJP மாநாட்டில் 11.86 லட்சம் பேர், பிற்பகத்தி கட்சி மாநாட்டில் 11.03 லட்சம் பேர், TDP மாநாட்டில் 10.55 லட்சம் பேர், ஜஸ்பிக் கட்சி மாநாட்டில் 5.13 லட்சம் பேர் மட்டுமே கலந்துகொண்டதாக Time of India குறிப்பிடுகிறது. இந்த எண்ணிக்கைகள் விஜயின் மக்கள் ஆதரவு வெறும் திரையுலக புகழால் மட்டுமல்ல, அரசியல் களத்தில் அவர் காட்டும் திறமையையும் பிரதிபலிக்கின்றன.
நம்பகமான தலைவர் விஜய்..
விஜய் தற்போது தமிழக வெற்றி கழகம் (TVK) தலைவர் என்ற முறையில் மக்கள் மனதில் தனிப்பட்ட இடத்தை பிடித்துள்ளார். “நான் மார்க்கெட் இழந்து அரசியலுக்கு வந்தவன் அல்ல” என்ற அவரது உரைகள் மக்களின் மனதில் ஆழமாகப் பதிந்துள்ளன. இந்த மாநாட்டின் வெற்றி, விஜய் அரசியலில் வெறும் சின்னமான போட்டியாளராக இல்லாமல், மக்களின் நம்பிக்கையைக் கவரும் தலைவராக வளர்ந்திருப்பதை வெளிப்படுத்துகிறது.
மக்களை பற்றி யோசித்த விஜய்..
மாநாட்டில் கலந்து கொண்டவர்களின் வசதிக்காக, போக்குவரத்து முதல் உணவு வரை விஜய் காட்டிய அக்கறை சமூக வலைதளங்களில் பெரிதும் பேசப்பட்டது. “இது தான் ஒரு மக்கள் தலைவர்” என்று ரசிகர்கள் மற்றும் ஆதரவாளர்கள் கருத்து தெரிவிக்கின்றனர்.
இந்திய அரசியலில் முன்னணி தலைவர்கள் அனைவரையும் முந்தி இந்த சாதனையைப் பதிவு செய்துள்ள விஜய், இனி தேசிய அளவிலும் தன்னுடைய வலிமையை உணர்த்தப்போகிறார் என்பதில் எந்த ஐயப்பாடும் இல்லை. இந்த சாதனை, அடுத்த தேர்தல்களில் TVK கட்சிக்கு பெரும் பலமாக அமையும் என்று அரசியல் வட்டாரங்கள் மதிப்பிடுகின்றன.
