Star Tamil Chat
கிரிக்கெட் வரலாற்றில் மறக்கமுடியாத நினைவுகள் மற்றும் வீரர்களின் புகழைப் பேணும் விதமாக, பல இருதரப்பு டெஸ்ட் தொடர்களுக்கு கிரிக்கெட் லெஜண்டுகளின் பெயரில் கோப்பைகள் வழங்கப்பட்டுள்ளன. இவை, ஒவ்வொரு தொடருக்கும் வரலாற்றுச் சிறப்பு மற்றும் மரியாதையை சேர்த்துள்ளன.
ஆண்டர்சன் – டெண்டுல்கர் கோப்பை: இந்தியா vs இங்கிலாந்து
இந்த கோப்பை இந்தியாவின் சச்சின் டெண்டுல்கரும், இங்கிலாந்தின் ஜேம்ஸ் ஆண்டர்சனும் ஆகிய இரு காலத்தை கடந்த வீரர்களுக்கு மரியாதை செலுத்துகிறது. 2025ஆம் ஆண்டு முதல் இந்தியா – இங்கிலாந்து டெஸ்ட் தொடருக்கான அதிகாரப்பூர்வ பரிசாக அறிமுகமானது.
பேசில் டி’ஒலிவைரா கோப்பை: தென்னாப்ரிக்கா vs இங்கிலாந்து
தென்னாப்பிரிக்காவில் பிறந்து, பின்னர் இங்கிலாந்துக்காக விளையாடிய பேசில் டி’ஒலிவைராவின் பெயரில் இந்த கோப்பை உள்ளது. 1968 இல் அவருடைய தேர்வு, விளையாட்டுத்துறையில் இனவெறிக்கு எதிரான மையப்புள்ளியாக இருந்தது. இது நேர்மை மற்றும் முன்னேற்றத்தின் சின்னமாக உள்ளது.
பெனோ – காதிர் கோப்பை: ஆஸ்திரேலியா vs பாகிஸ்தான்
இரு நாடுகளின் சிறந்த லெக்-ஸ்பின்னர்களான ரிச்சி பெனோ (ஆஸ்திரேலியா) மற்றும் அப்துல் காதிர் (பாகிஸ்தான்) அவர்களின் நினைவாக இந்த கோப்பை வழங்கப்படுகிறது. ஸ்பின் பந்துவீச்சின் அழகு மற்றும் பாரம்பரியத்தை பிரதிபலிக்கிறது.
வார்ன் – முரளிதரன் கோப்பை: ஆஸ்திரேலியா vs இலங்கை
அதிகமான டெஸ்ட் விக்கெட்டுகளை பெற்ற வார்னும் (ஆஸ்திரேலியா), முரளிதரனும் (இலங்கை) ஆகியோரின் நினைவாக இந்த கோப்பை அமைக்கப்பட்டுள்ளது. இது ஸ்பின் பந்துவீச்சின் உச்சக்கட்ட போராட்டத்தை எடுத்துக்காட்டுகிறது.
கிளைவ் லாய்ட் கோப்பை: மேற்கிந்திய தீவுகள் vs ஜிம்பாப்வே
மேற்கிந்தியத் தீவுகளின் முன்னாள் கேப்டனும், உலகக் கோப்பை வெற்றிகளுக்கு வழிகாட்டியவருமான கிளைவ் லாய்டுக்கு அஞ்சலியாக இந்த கோப்பை வழங்கப்படுகிறது.
பார்டர் – கவாஸ்கர் கோப்பை: இந்தியா vs ஆஸ்திரேலியா
இது மிகவும் கடுமையாக போட்டியிடப்படும் டெஸ்ட் தொடராக இருக்கிறது. ஆஸ்திரேலியாவின் ஆலன் பார்டரும், இந்தியாவின் சுனில் கவாஸ்கரும் ஆகிய இருவருக்கும் மரியாதையாக அமைக்கப்பட்டுள்ளது.
சோபர்ஸ் – டிசேரா கோப்பை: மேற்கிந்திய தீவுகள் vs இலங்கை
மேற்கிந்தியத் தீவுகளின் சர் கார்ஃபீல்ட் சோபர்ஸும், இலங்கையின் மைக்கேல் டிசேராவும் ஆகியோர் படைத்த புகழுக்கு அஞ்சலியாக அமைக்கப்பட்ட கோப்பை.
பிராங்க் வோர்ரல் கோப்பை: ஆஸ்திரேலியா vs மேற்கிந்திய தீவுகள்
மேற்கிந்தியத் தீவுகளின் முதல் கருப்பர் கேப்டனான பிராங்க் வோர்ரலுக்கு அஞ்சலியாக இந்த கோப்பை வழங்கப்படுகிறது. 1960-61ல் நடந்த டைட் டெஸ்ட் தொடரின் நினைவையும் இந்த கோப்பை சுமக்கிறது.
ரிச்சர்ட்ஸ் – போத்தம் கோப்பை: மேற்கிந்திய தீவுகள் vs இங்கிலாந்து
முன்பு விஸ்டன் கோப்பி இருந்த இடத்தில் 2020 முதல் இது அறிமுகமானது. 1980களில் மிக பிரபலமாக விளையாடிய விரிவியன் ரிச்சர்ட்ஸும், இங்கிலாந்தின் யான் போத்தமும் இடையேயான போட்டியையும் நட்பையும் எடுத்துரைக்கிறது.
க்ரோ – தோர்ப் கோப்பை: நியூசிலாந்து vs இங்கிலாந்து
நியூசிலாந்தின் மார்டின் க்ரோவும், இங்கிலாந்தின் கிராமம் தோர்ப்பும் ஆகியோரின் நினைவாக இந்த கோப்பை உள்ளது. இவர்கள் தங்களின் அழகான பேட்டிங் மற்றும் நாட்டுக்காக செய்த சேவைகளால் புகழ்பெற்றவர்கள்.
