Memes: விஜய் பிறந்த நாளும் அதுவுமா இரண்டு நடிகைகள் பெரிய வேலைய பார்த்து விட்டார்கள். அதில் த்ரிஷா தளபதியுடன் இருக்கும் போட்டோவை பகிர்ந்து அலப்பறையை கூட்டி இருக்கிறார்.
ஏற்கனவே ஒட்டுமொத்த மீடியாவும் அவருக்காக தான் காத்திருந்தது. அவர்களை ஏமாற்ற மனசு வராமல் அம்மணி போட்டோ போட்டு சோசியல் மீடியா என்னும் நெருப்பில் பெட்ரோலை ஊற்றி விட்டார்.
இது பத்தாது என்று மமிதா பைஜூ ஜனநாயகன் பட சூட்டிங் ஸ்பாட்டில் விஜயுடன் பேசியதை பொதுவெளியில் போட்டு உடைத்து விட்டார். அடுத்த வருடம் தேர்தலை பொறுத்து தான் இது கடைசி படமா என முடிவு செய்வேன் என விஜய் கூறியதாக தெரிவித்துள்ளார்.
உடனே அரசியல் தொண்டர்கள் அவரை ட்ரோல் செய்ய ஆரம்பித்து விட்டனர். டி வி கே தொண்டர்களும் பதிலடி கொடுத்து வரும் சம்பவமும் ஒரு பக்கம் நடந்து கொண்டுதான் இருக்கிறது.
ஆனாலும் இந்த நடிகைகளுக்கு ஏன் இந்த வேலை. சும்மா இம்சையை கூட்டுறாங்க என விஜய் ஆதரவாளர்கள் புலம்புவதையும் கேட்க முடிகிறது. இது ஒரு பக்கம் இருக்க விஜய் எதிர்ப்பாளர்கள் இதை மீம்ஸ் போட்டு கிண்டல் அடித்து வருகின்றனர்.
சூட்டிங் ஸ்பாட்ல பர்சனலா பேசுனத இப்படி பொதுவெளியில் போட்டு கொடுத்துட்டியே. என்ன குமுதா இதெல்லாம் என்பதில் தொடங்கி புஸ்ஸி ஆனந்த் நடிகையை போன் போட்டு திட்டிவிட்டார் என்பது வரை வைரலாகி வருகிறது.
கண்டன்டுக்காகவே காத்திருக்கும் சில செய்தி சேனல்கள் நம்ம சொன்னா நம்ப மாட்டாங்க. அந்த நடிகை பெயரை கோர்த்து விட வேண்டியது தான் என இந்த செய்தியை வைத்து ஓட்டிக் கொண்டிருக்கின்றனர்.
இன்னும் சிலர் இந்த விஷயத்தை தொண்டர்கள் கிட்ட சொல்லாம நடிகை கிட்ட போய் சொல்லி இருக்கீங்க என்ன பழக்கம் அண்ணா இதெல்லாம் என மீம்ஸ் போட்டு வருகின்றனர்.
இப்படி சோசியல் மீடியாவை கலக்கி கொண்டிருக்கும் சில ரசிக்க வைக்கும் மீம்ஸ் தொகுப்பு இதோ.
