நடிகர் அஜித் குமார் தனது தனிப்பட்ட முயற்சி மற்றும் பார்வையால் பல புதிய இயக்குநர்களை தமிழ்த்திரை உலகிற்கு அறிமுகம் செய்து வைத்தவர். பலருக்கும் அவருடைய படம் தான் முதல் பட வாய்ப்பாக இருந்தது.
1999ஆம் ஆண்டு ‘வாலி’ படம் மூலம் எஸ். ஜே. சூர்யா இயக்குனராக அறிமுகமானார். இரட்டை பாத்திரத்தில் அஜித்தின் அபார நடிப்பும், எஸ். ஜே. சூர்யாவின் வித்தியாசமான கதை சொல்லலும் சேர்ந்து இந்த படம் சூப்பர் ஹிட்டானது. ₹18 கோடி வசூலித்து, ஆண்டின் மிகப்பெரிய வெற்றிப் படங்களில் ஒன்று ஆனது.
2001ஆம் ஆண்டு ‘தீனா’ படத்தின் மூலம் ஏ.ஆர். முருகதாஸ் இயக்குநராக களமிறங்கினார். “தல” என்ற வார்த்தை ரசிகர்களிடையே அஜித்துக்காக நிலைத்துவிட்டது இந்த படத்தின் பின்னர் தான். இந்த மாஸ் படம் ₹25 கோடி வசூலித்து முருகதாஸுக்கு பெரிய கதாநாயகர்களை இயக்க வாய்ப்பளித்தது.
அதே ஆண்டில் ‘சிட்டிசன்’ படத்தின் மூலம் சரவண சுப்பையா அறிமுகமானார். அஜித் பல வேடங்களில் நடித்து கதையை உயர்த்தினார், சமூக அரசியல் கதையாக அமைந்த படம் ₹15 கோடி வசூலித்தது. கதைக்காகவும், அஜித்தின் தேர்விற்காகவும் புகழப்பட்டது.
1998ல் ‘காதல் மன்னன்’ மூலம் சரண் இயக்குநராக அறிமுகமானார். சிறந்த இசையும், அஜித்தின் ஸ்டைலான காதல் நாயகன் வேடமும் இளைஞர்களை கவர்ந்தது. இந்த ரொமான்டிக் ஹிட் ₹10 கோடி வசூலித்தது மற்றும் சரணுக்கு தொடர்ச்சியான வாய்ப்புகளை அளித்தது.
2002ல் ‘ரெட்’ படத்தின் மூலம் சிங்கம்புலி தனது இயக்குனர் பயணத்தை தொடங்கினார். பொலிட்டிக்கல், கமெர்ஷியல் அம்சங்கள் கலந்து இருந்த படம் ₹12 கோடி வரை வசூலித்து ஒரு மிட் ரேஞ்ச் ஹிட்டாக அமைந்தது. இந்த படம் அவரை எழுத்தாளராகவும் தொடர்ந்து நிலைத்துவிட்டது.
புதிய இயக்குனர்களுக்கு வாய்ப்பு கொடுக்க துணிந்தவர் நடிகர் அஜித். தன்னை அவர்களிடம் முழுமையாக ஒப்படைத்த அந்த நம்பிக்கை, பலரை உயர்த்தியது. அவருடைய இந்த மனிதநேயம் இன்று வெற்றிக்கதை ஆனது.
